«Юридик клиника» иш бошлади

301

«Юридик клиника» иш бошлади

  

 

Бердақ номидаги Қорақалпоқ давлат университети Тарих ва ҳуқуқ факультети Ҳуқуқшунослик кафедраси қошида Юридик клиника иш бошлади, бу клиника фаолиятининг асосий мақсади жисмоний ва юридик шахсларга беғараз бепул юридик маслаҳатлар (консультатив) беришдан иборат.

Юридик клиника фаолияти кафедра профессор-ўқитувчилари билан биргаликда юриспруденция таълим йўналишида таҳсил олаётган иқтидорли талабалар томонидан фуқароларни қабул қилиш шаклида ташкил этилган бўлиб, бунда талабалар юридик фанлар доктори, профессор К.Умарова раҳбарлигида ҳуқуқий масалалар юзасидан фуқаролар қабулини амалга оширади ва уларга керакли юридик маслаҳатларни беради. Аҳоли эҳтиёжларидан келиб чиққан ҳолда юридик клиника ҳуқуқнинг алоҳида тармоғига ихтисослашган ҳолда яъни жиноят, фуқаролик (меҳнат, оила муносабатлари) ҳуқуқлари бўйича ёки умумий ҳуқуқ масалалари бўйича маслаҳатлар бериши мумкин.

Ҳуқуқий маслаҳатлар сони фуқароларни қабулини амалга ошириб бўлингандан кейин руйхатга олиб борилади. Маслаҳатлар мурожаат мазмунига кўра дарҳол шу жойнинг ўзида ёзма ёки оғзаки шаклда берилади. Мурожаат мазмуни ўрганиб чиқишни талаб қилса кўриб чиқиш учун олиб қолинади.

Бундан асосий мақсад шундан иборатки:

мавжуд билим даражасини ошириш,

талаба ёшларнинг амалий кўникмаларини ҳосил қилиш,

ўқув жараёнини амалиёт билан боғловчи доимий ишловчи тизимни жорий этиш,

суд ва ҳуқуқни муҳофаза қилувчи органлар билан ҳамкорликни кенгайтириш,

талабаларда жавобгарлик ва масъсулият ҳиссини ривожлантириш,

талабаларнинг этика ва эстетика, психология ва психиатирия амалиётлари, мустақил фикрлаш ва ҳаётий, маънавий қарашларини ривожлантиришдан иборат.

Клиника аъзолари вақти вақти билан Нукус шаҳар жиноят, фуқаролик ишлари бўйича судларида ўтказиладиган суд мажлисларига ташрифи ҳам амалиёт ҳам назарий билимларни мусатҳкамлашга қаратилган самарали тажриба сифатида кўлланилади. Мазкур клиника фаолияти нафақат талабалар учун балки кафедра ўқитувчилари учун ҳам ҳуқуқий таълим соҳасида илмий изланишлар олиб бориш учун бой материалар бермоқда.

Келгусида юридик клиника дунёнинг бир қатор мамлакатлар университетлари ва уларнинг юридик клинкалари билан мустаҳкам алоқаларини ўрнатишни мақсад қилган.

Клиника Бердақ номидаги Қорақалпоқ давлат университети Тарих ва ҳуқуқ факультети биноси 1 қаватида жойлашган бўлиб душанба-жума кунлари соат 14:00 дан 17:00 қадар фуқароларни қабул қилади.

 

 

 

 

 

 

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

ДОБАВИТЬ КОММЕНТАРИЙ

Введите код:*
Кликните на изображение чтобы обновить код, если он неразборчив