Некеден алдыңғы медициналық көриктиң әҳмийети ҳәм зәрурлиги

217

Некеден алдыңғы  медициналық көриктиң  әҳмийети ҳәм зәрурлиги

Жәмийетимиздиң турақлы раўажланыўы биринши наўбетте инсанның дене ҳәм руўхый саламатлығына байланыслы. Биз қурып  атырган жамийет қудиретли ҳәм раўажланған болыўын қәлесек, әлбетте, жас әўладтын бәркамал өсиўин тәмийинлеўге кушли итибарымызды қаратыўымыз зәрур.

Жас әўладтың руўхый жақтан жоқары раўажланыўы тәлим тәрбияға, оның қоршаған орталығына байланыслы. Егер жаслардың қоршаған орталығы ҳәр тәреплеме саламат болмаса ямаса тәлим тәрбия процессинде қәтеликлерге жол қойылса, бул биринши нәўбетте олардың сана сезиминиң пәс болыўына ҳәм жәмийетте өз орнын тапқан жақсы инсан болып жетилисиўине кери тәсирин тийгизеди. Саламат баланың дуньяға келиўи ҳәм ҳәр тәреплеме баркамал болып өсип-өниўи шаңарақ институтын беккемлеў, неке мунәсибетлерин ҳуқықый тәртипке салыў, соның менен бирге, шаңарақта ушырасып туратуғын келиспеўшиликлердиң алдын алыўға тиккелей байланыслы. Бул мәселелерди шешиўде Ҳаял-қызлар комитети, мәҳәлле ҳәм басқа жәмийетлик шөлкемлердиң узликсиз шериклигин талап етеди.

Саламат шаңарақ, саламат әўлад қәлиплесиўи жолында  Президентимиздиң  бир қатар  Пәрманлары,  ҳукиметимиз қарарлары  жәрияланып, Өзбекстан Республикасы Бас ўәзириниң   орынбасары  Т.Нарбаева  тәрепинен 2018 жыл декабрь  айында тастыйықланған «республикада  аналар  ҳәм  балалар (гөдеклер) өлими  ҳалатларының алдын-алыў бойынша  шара-усыллар  режеси»ниң 22-бәнтинде некелениўши шахслардың айрымлары неке қурмастан алдын медициналық  көриклерден өтпестен    неке  қурыўы нәтийжесинде  шанарақ ағзаларының  саламатлығына зыян жетип, шанарақтағы  ажырасыўларға себеп болып атырғанлығы  көрсетилип өтилген.  Бул мәселе  бойынша Өзбекстан Республикасы жоқары  ҳәм орта арнаўлы билимлендириў министрлигиниң 30-январь  2019 жылғы  №87-02-115 санлы хаты бойынша угит-нәсият  жумысларын әмелге асырыў бойынша тапсырма берилгенлиги, тараў қәнигелерин қатнастырыў арқалы  өткизиў белгиленген еди.

Тарийх ҳәм ҳуқық факультетинде  студент қызлар  арасында «Некеден алдыңғы  медициналық көриктиң  әҳмийети ҳәм зәрурлиги» ҳаққында тадбир өткизилди. Бунда Нөкис қалалық көп тармақлы медицина бирлепесине қараслы поликлиника шыпакери, акушер-гинеколог Узакова Лола Султанмуратовна,  университет психологи Рейимбаева Гулчехралар қатнасты.  Тадбир даўамында  мәмлекетимизде некеден өтиўши шахслардың неке қурмастан алдын медициналық  көриктен өтиўи тек шанарақ саламатлығы ушын емес, ал   дуньяға келетуғын келешек әўладтың саламатлығы ушын да жудә әхмийетли  екенлиги   ҳаққындағы мәселелер додаланды. Студент қызлар өзлерин қызықтырған сораўларға  жуўаплар алды.

 

М.Адилова.

Ҳаял қызлар басланғыш  шөлкеми жетекшиси

 

 

 

 

 

 

 

 

 

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

ДОБАВИТЬ КОММЕНТАРИЙ

Введите код:*
Кликните на изображение чтобы обновить код, если он неразборчив