Биз саламат турмыс тәрепдарымыз

298

«Биз саламат турмыс тәрепдарымыз» атамасындағы ушырасыў кешеси өткизилди

Саламат бала – саламат шаңарақ мийўеси, саламат шаңарақты болса руўхый ҳәм физикалық жақтан саламат жаслар қәлиплестиреди.

Өзбекстан Республикасы жоқары  ҳәм орта арнаўлы билимлендириў министрлигиниң 30-январь  2019 жылғы  №87-02-115 санлы хаты бойынша угит-нәсият  жумысларын әмелге асырыўда  тараў қәнигелерин қатнастырыў арқалы  өткизиў белгиленген еди, сол себепли  2019 жылы 28-март куни Тарийх ҳәм ҳуқық факультетинде  студент жаслар  арасында Республикалық АИЖСке қарсы гуресиў орайы шыпакери, дермавенеролог  Эльба Туремуратова менен ушырасыў кешеси болып өтти.

Эльба Туремуратова  АИЖСтың тарийхы  ҳаққында, АИВ менен АИЖСның айырмашылығы неде екенлигин, қайсы жағдайларда АИВны жуқтырыў мумкинлигин айтып өтип, кеселлик белгилери  ҳаққында, АИВ профилактикасы, даўалаў усыллары ҳаққында мағлыўматлар берди.

АИВ-инфекциясы тек адамларда ушырасатуғын жуқпалы кеселлик.

АИВ- инфекциясы ҳәр қыйлы кеселликлерден қорғаўшы иммун системасы зақымланады. Кесселиктиң дереги АИВ ты жуқтырып алған адам. Вирус адам организминде өмири даўамында сақланады.

АИВ-инфекциясы бир неше дәўирден ибарат. АИВ-инфекциясының жасырын дәўири бир неше  айдан 5-10 жыл оннанда артық болыўы мүмкин.

Бул дәўирде АИВ ты жуқтырып алғанлар сыртқы көринисинен саламат болып көринеди, кеселликтиң ҳеш қандай белгилери гүзетилмейди. Олар өзлери билмеген ҳалда кеселликти басқа адамларға жүқтырыўы мүмкин.

 

 

 

 

 АИВ инфекциясы 3 жол менен жуғады:

  1. Парентерал (қан арқалы);
  2. Жынсый жоллар менен;
  3. Вертикал жол менен;

  АИВ - инфекциясы грипп ҳәм өкпе кеселликлерине уксап ҳаўа арқалы жуқпайды.        Сонын ушын, бийтап пенен бир ыдыстан аўқатланыў, оның менен сөйлесиў,  қол берип көрисиў, суў бассейинлеринде шомылыў қәўипли емес. Сондай-ақ, қан сорыўшы шыбын-ширкейлер  шаққанда да жуқпайды.

АИВ-инфекциясы көп жыллар даўамында  белгисиз, жасырын жағдайда болады. АИВ-инфекциясы жуқтырылғанын лаборатория тест тексериўи арқалы аныклаў мүмкин. Айырым биймарларда кеселлик жуққаннан кейин 8-10 ҳәпте өтип: қуўатсызлық, иштейдиң пәсейиўи, көп терлеў, дене температурасының көтерилиўи, бир ҳәптеге шекем иш кетиўи  гүзетиледи.

Наўқас АИВ инфекциясынан набыт болмайды, АИВ инфекциясы оның иммун системасын жемирип, нәтийжеде организм басқада кеселликлер менен набыт болыўы мүмкин.

  Организмде АИВ инфекциясы бар жоқлығы менен қызықсынғанлар болса, арнаўлы орайларға барып тест тапсырып көриўлери мүмкин әлбетте, бул жерде шаҳс ҳаққындағы мағлыўматлар сыр сақланады, -  деди   Республикалық АИЖС қарсы гуресиў орайы шыпакери, дермавенеролог  Эльба Туремуратова. 

Кесселликтиң жуққанлығын ерте анықлаў, өз ўақтында емлеўди баслаў, ден-саўлығыңызды сақлаў ҳәм жақынларыңызды қорғаўға жәрдем береди.

 

М.Адилова.

Ҳаял қызлар басланғыш  шөлкеми жетекшиси

 

 

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

ДОБАВИТЬ КОММЕНТАРИЙ

Введите код:*
Кликните на изображение чтобы обновить код, если он неразборчив