“Юридикалық клиника” жумыс баслады

223

Бердақ атындағы Қарақалпақ мәмлекетлик университети Тарийх ҳәм ҳуқық факультети ҳуқықтаныў кафедрасы жанында “Юридикалық клиника” жумыс баслады.

 

Бул клиника искерлигиниң тийкарғы мақсети – физикалық ҳәм юридикалық шахсларға бийғарез бийпул юридикалық мәсләҳәтлер бериўден ибарат. Юридикалық клиника искерлиги кафедра профессор-оқытыўшылары менен биргеликте юриспруденция бағдарында билим алып атырған зийрек студентлер тәрепинен пуқараларды қабыл етиў формасында шөлкемлестирилген болып, бунда студентлер юридика илимлериниң докторы, профессор Қ.Умарова басшылығында ҳуқықый мәселелер бойынша пуқаралар қабыллаўын әмелге асырады ҳәм оларға керекли юридикалық мәсләҳатлер береди.

Халықтың мүтәжликлеринен келип шыққан ҳалда юридикалық клиника ҳуқықтың айырықша тараўларына қәнигелескен ҳалда, яғный жынаят, пуқаралық (мийнет, шаңарақ қатнасықлары) ҳуқықлары бойынша мәсләҳәтлер бериўи мүмкин.

Ҳуқықый мәсләҳәтлер саны пуқаралардың қабыллаўын әмелге асырып болғаннан кейин дизимге алып барылады. Мәсләҳәтлер мүрәжат мазмунына көре сол ўақыттың өзинде жазба яки әўызеки түрде бериледи. Мүрәжат мазмуны үйренип шығыў талап етилсе, көрип шығыў ушын алып қалынады.

Буннан тийкарғы мақсет соннан ибарат :

бар болған билим дәрежесин асырыў;

студент-жасларда әмелий көнликпелерди пайда етиў;

оқыў процесслеринде әмелият пенен байланыстырыўшы турақлы ислеўши системаны жәрия етиў;

суд ҳәм ҳуқықты қорғаўшы органлар менен бирге ислесиўди кеңейиттириў;

студентлерде жуўапкершилик сезимин раўажландырыў;

студентлердиң этика ҳәм эстетика, психология ҳәм психиатрия әмелиятлары, ғәрезсиз пикирлеў ҳәм турмыслық мәнаўый қарасларын раўажландырыўдан ибарат.

Клиника ағзалары ўақты-ўақты менен Нөкис қаласы жынаят, пуқаралық ислери бойынша судларында өткерилетуғын суд мәжлислерине келиўи, әмелият ҳәм теориялық билимлерин беккемлеўге қаратылған нәтийжели тәжрийбе сыпатында қолланылады.

Бул клиника искерлиги тек ғана студентлер ушын, бәлким, кафедра оқытыўшылары ушын да ҳуқықый тәлим тараўында илимий излениўлер алып барыў ушын бай материаллар бермекте.

Келешекте юридикалық клиника дуньяның бир қатар мәмлекетлердиң университетлери ҳәм олардың юридикалық клиникалары  менен беккем байланысларды орнатыўды мақсет еткен.

 

 

 

 

 

 

Еслетпе: Клиника Бердақ атындағы Қарақалпақ мәмлекетлик университети Тарийх ҳәм ҳуқық факультети имаратының 1-қабатында жайласқан болып дүйшемби-жума күнлери саат 14.00 ден 17.00 ге шекем пуқараларды қабыллайды.

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

ДОБАВИТЬ КОММЕНТАРИЙ

Введите код:*
Кликните на изображение чтобы обновить код, если он неразборчив