Факультети ҳаққында

Тарийх ҳәм ҳуқық факультети

Қарақалпақ мәмлекетлик университетиниң ашылыўы менен 1976 жылы Тарийх-география факультети шөлкемлестирилип 1977-1978-оқыў жылларында Тарийх-география факультети қурамында ҳуқықтаныў бөлими ашылды. 1993 жылы Юридика факультети шөлкемлестирилип юридика ҳәм тарийх факультетлери болып екиге бөлинеди. 1996 жылы Юридика – тарийх факультети болып қайта дүзиледи. Сол ўақытта факультетте 5 кафедра болып соның 3 кафедрасы ҳуқықтаныў тəлим бағдары бойынша, 2 кафедра тарийх тəлим бағдары бойынша бакалавр ҳәм магистрантларды таярлай баслады. 2003 жылы тарийх ҳәм юридика факультетлери өз-алдына факультет болып қәнигеликлер таярлайды. 2011 жылдан баслап Тарийх ҳәм ҳуқық факультети болып қайта дүзилип бүгинги күнде 4 кафедра жумыс алып бармақта. Факультетте «Археология», «Өзбекистан ҳәм Қарақалпақстан тарийхы», «Миллий идея, мәнәўият тийкарлары ҳәм ҳуқық тәлими» ҳәм «Ҳуқықтаныў» кафедраларында ҳәзирги күнде 6 илим докторы, 20 илим кандидатлары ҳәм  доцентлер, 29 ассистент оқытыўшылар оқыў ҳәм илимий педагогикалық жумыс алып бармақта.
Тарийх ҳәм ҳуқық факультетинде 3 бакалавр тәлим бағдары бойынша қәнигелер таярланады:
  1. Юриспруденция (хызмет түрлери бойынша 5240100)
  2. Миллий идея, мәнаўият тийкарлары ҳәм ҳуқық тәлими (5111600)
  3. Тарийх (мәмлекетлер ҳәм регионлар бойынша 5120300)
                  Тарийх ҳәм ҳуқық факультетинде 3 қәнигелик бойынша магистрантлар таярланады:
1. 5А240101 Мәмлекетлик ҳуқық ҳәм басқарыў (Конституциялық ҳуқық; ҳәкимшилик ҳәм финанс ҳуқықы; мәмлекет ҳәм ҳуқық тәлийматы ҳәм тарийхы).
2. 5А120401 Археология
3. 5А120301 Өзбекстан тарийхы
4. 5А111601 Социал-гуманитар пəнлерди окытыў методикасы (мəнаўият тийкарлары).
Тарийх ҳәм ҳуқық факультети оқыў барысында ҳәм илимий жумысларда үлкен көрсеткишлерге ийе болып, профессор-оқытыўшылары халық-аралық ҳәм республикалық жойбарлар ҳәм грантлар бойынша жумыс алып бармақта. Жоқары оқыў орынлары профессор-оқытыўшылары ортасында өткерилетуғын «Ең жақсы педагог» таңлаўына факультет оқытыўшылары белсенди қатнаспақта. 2017-2018 оқыў жылында доцент З.Реймова, 2018-2019 оқыў жылында профессор Е.Қутыбаевалар жеңимпаз болды.
Факультетимизде усы күнге шекем 4 Президент стипендианты (2005-жылы Ж.Рахманов, 2010-жылы Р.Айтмуратов, 2012-жылы И.Алдабергенов ҳәм 2014-жылы Э.Эгамбердиев), 20 дан зыят Наўайы атындағы мәмлекетлик стипендианты, 25 тен аслам Бердақ атындағы мәмлекетлик стипендия жеңимпазлары жетисип шықты. Бир-нешше студентлеримиз «Камолот» ЖЖҲ стипендиясы  жеңимпазы болды. 2018-2019 оқыў жылында юриспруденция тəлим бағдары 2-курс студенти Хабибуллаева Дилфуза «Жаслар Аўқамы» стипендиясы жеңимпазы болды.  Бул тараўлар бойынша ҳәзирги күнде де жақсы жумыслар алып барылмақта.
Факультеттиң студентлери ҳәр жылы жоқары оқыў орынлары арасында өткерилетуғын «Тафаккур синовлари» көрик таңлаўына қатнасып Қарақалпақстан Республикасы басқышында жеңимпаз болып Өзбекистан Республикасы аймағында өткерилетуғын басқышта қатнасып келмекте.
Факультетимиз студент жаслары ҳəр жылы университеттиң факультетлери арасында өткерилетуғын ҳəр түрли спорт жарысларының белсенди қатнасыўшысы. Спорттың футбол, воллейбол, стол тенниси түрлери бойынша ҳəр жылы жеңимпаз болып келмекте.
Тарийхшы қəнигелер ушын ҳəр жыл сайын профессор-оқытыўшылар М.Ш.Қдырниязов ҳəм М.Туребековлар басшылығында археологиялық илимий-экспедициялар шөлкемлестириў дəстүрге айланды. Хожели қаласында жайласқан Миздакхан археологиялық естелигинде жүргизилип атырған изертлеўлер нəтийжесинде архитектуралық ҳəм мəдений естеликлер ашылды. Ҳəзирги ўақытта бундай тарийхый изертлеў Қоңырат ҳəм Берунийрайонларында даўам етип атыр.    
2018-2019 оқыў жылынан баслап Ҳуқықтаныў кафедрасы жанынан халыққа бийпул ҳуқықый жəрдем көрсетиўши Юридикалық клиника шөлкемлестирилди. Онда Ҳуқықтаныў кафедрасы тəжрийбели профессор-оқытыўшылары ҳəм юриспруденция тəлим бағдары жоқары курс студентлери   жумыс алып бармақта.
2017-жыл 20-апрель күни Өзбекистан Республикасы Бас прокуратурасы, Ташкент мәмлекетлик юридика университети, Дүнья жүзлик экономика ҳәм дипломатия университети ҳәм Бердақ атындағы Қарақалпақ мәмлекетлик университети ортасындағы юридикалық кадрларды таярлаў тараўында бирге ислесиў ҳаққындағы Меморандумға қол қойған еди. Усы Меморандум шеңберинде юриспруденция тəлим бағдарының 2-3-4 курс студентлери хəр күни сабақтан бос пайытта Қарақалпақстан Республикасы Прокуратурасы хəм Нөкис қалалық прокуратураларында жумыс үйренип əмелий билимлерин асырмақта.  
Факультет питкериўшилери ҳәзирги ўақытта республикамыздың барлық ҳуқық қорғаў уйымларында, мәмлекетлик ҳәм жәмийетлик шөлкемлерде ҳәм де халық хожалығының барлық тараўларында табыслы жумыслар алып бармақта.
скачать софт