Жас археолог

144

 «Археология» кафедрасында шөлкемлескен «Жас археолог» дөгереги ҳаққында

МАҒЛЫЎМАТ

«Жас археолог» дөгереги 1985 жылдан баслап «Археология»  дөгереги атамасында өз жумысын баслады. Дөгерек ағзалары ҳәр жылы археологиялық әмелиятта болып, сол объекттен табылған материаллар бойынша илимий мақалалар жазып, илимий конференцияларда баянатлар жасайды. 

 

 «Жас археолог» дөгерегине тәжрийбели профессор-оқытыўшылардан: т.и.д., профессор М-Ш.Қдырниязов, т.и.к., доцент М.Туребеков, үлкен оқытыўшы С.Сайпов ҳəм де ассистент оқытыўшылардан: А.Алимбетов, Ф.Утепбергеновлар басшылық етпекте. «Жас археолог» дөгерегине 10 студент ағза болып, олардың темасы, илимий басшылары бекитилген. Темалар Өзбекстан ҳәм Қарақалпақстан территориясындағы археологиялық-тарийхый естеликлерге байланыслы болып, ҳәр бир тема ҳәм оның айырым машқалалары методикалық кеңесте талқыланады.

Ҳәзирги ўақытта дөгерек ағзалары Хожели қаласы жанындағы Миздахкан археологиялық комплексинде, Қоңырат районы аймағындағы Пулжай археологиялық естеликлериндеги қазыў жумысларына қатнаспақта. Дөгерекке Өзбекстан Республикасы Илимлер академиясы Қарақалпақстан бөлими Гуманитар илимлер илим-изертлеў институтының илимпаз археологлары мирәт етиледи. Дөгерегте археологиялық материаллардан пайдаланған кинофильмлер көрсетилип барылады. Дөгеректе тематикалық кешелер шөлкемлестириледи. Онда мәденият ҳәм көркем-өнер тарийхы, айырым қалалар естеликлер тарийхы ҳаққында баянатлар оқылады. Дөгерек жумысларына белсене қатнасқан шөлкемлестириўши ағзалары, зийрек студент-жаслар, айрықша баянат ислеген, мазмунлы көргизбе қураллар, сызылмалар, қосымша материалларды көрсете билген студентлер, археологиялық әмелиятта жумысты үлгили ислеген студентлер хошаметленип барылмақта.

скачать dle 11.3

Сайтта қәте байқадыңыз ба?

Егер сайтта қате байқаған болсаңыз, сол текстти CTRL + ENTER менен белгилеп алып басың ҳәм бизге жоллаң

ДОБАВИТЬ КОММЕНТАРИЙ

Введите код:*
Кликните на изображение чтобы обновить код, если он неразборчив