Aрхеология

Археология кафедрасы
Археология тарийхшы қәнигелерди таярлайтуғын  кафедра есапланады. Кафедра 1936-жылы педагогикалық институт негизинде шɵлкемлестирилип, 1936-1976-жыллары кафедраны Турдымурат Бекимбетов, Янгибай Досумов, Қошим Менибоев, Ғайып Непесов, Орынгүл Қыдырбаева, Қытайбек Сарыбаевлар басқарды. Нɵкис мәмлекетлик университети шɵлкемлестирилгеннен соң 1976-1997-жыллары кафедраға А.Туреев, К.Муҳаммадбердиев, М.Тлеумуратов, М.Туребековлар басшылық етти. 1998-2013-жыллары кафедраны Е.Бижанов, ж.Айтмуратов, М.-Ш.Қдырниязов, С.Сайманов, М.Сейтимбетовлар, 2013-жыл сентябрь айынан баслап С.А.Сулайманов кафедраны басқармақта.  Ҳәзирги ўақытта кафедрада профессор Ғ.Хожаниязов, профессор М.-Ш.Қдырниязов, профессор Р.Дж.Уразбаева, доцентлер М.Туребеков, Ж.Айтмуратов, Г.Караманова, С.Сулайманов, т.и.к Г.Туреева, т.и.к Қ.Ҳәкимниязов, т.и.к. М.Даулетияров, үлкен оқытыўшы С.Сайпов, ассистент-оқытыўшылар Ф.Утепбергенов, А.Алимбетов, И.Елмуратов, Н.Сейтимбетова, Г.Абдирова, М.Толыбаевлар илимий-педагогикалық хызмет кɵрсетпекте.
Кафедрада тарийх ҳәм археология қәнигелиги бойынша бакалавр ҳәм магистр қәнигелер таярланбақта. Кафедрада ƟзРИА Археология институты ƟзРИА Тарийх институты, ƟзРИАҚҚГПИИИ, ƟзМУ, ТМПИ, УрМУ, НМПИ ларының тарийх кафедралары менен  илимий байланысқа ийе. Кафедра профессор-оқытыўшылары халықаралық ҳәм республика кɵлеминдеги илимий-теориялық конференцияларға ҳәм семинарларға қатнасып келмекте. Кафедра профессоры М.-Ш.Қдырниязовтың «Средневековый Миздахкан» (Самарқанд-2010), «Культура Хорезма в XIII-XIV вв» (Самарқанд-2011), профессор Р.Уразбаева  «История образования Каракалпакстане» (Ташкент -2011), доцент М.Туребековтың «Орта әсирлер тарийхы» I-том (Нɵкис-2009), «Қарақалпақстан тарийхы» (Нɵкис-2010), «Археология» (Нɵкис-2015) оқыў-қолланбалары ҳәм монографиялары баспадан шықты.
Сондай-ақ, М.-Ш.Қдырниязовтың «Амир Темур ва темурийлар даврида Оролбўйи маданияти» (Нукус-2009), Г.Караманованың «Тарийхты оқытыў методикасы» (Нɵкис-2016), Г.Турееваның «Деректаныў» (Нɵкис-2010), «Жәҳән тарийхы» (Нɵкис-2010), Ж.Айтмуратовтың «Европа ҳәм АҚШ – екинши жер жүзилик урыс жылларында» (Нɵкис-2011), М.Туребеков «Орта әсир тарийхы» (Нɵкис-2012), С.Сулаймановтың «Орта Азия алымларының илимий мийрасы» (Нɵкис-2012), «Әмиўдәрья ҳәм Арал суў жолының ɵтмиши ҳәм бүгини» (Нɵкис-2015), М.-Ш.Қдырниязовтың «Антик дәўир Хорезм цивилизациясы тарийхы» (Нɵкис-2014), А.Аллимбетов., С.Сайповтың «Хорезм гүлалшылығы тарийхы» (Нɵкис-2014), ________________    оқыў-методикалық колланбалары баспадан шықты.
Кафедрада профессор «Ф.1.78. Хорезм цивилизациясы тарийхы» фундаменталь илимий жойбары орынланбақта. Жойбар қурамында профессор-оқытыўшылар ҳәм магистрлер қатнаспақта.
Кафедрада үлкен оқытыўшы С.Сайпов 07.00.05. Археология қәнигелиги бойынша «Хоразмнинг ўрта аср кулолчилик тарихи (IX-XIV асрлар)» темасында, А.Алимбетовтың 07.00.05. Археология қәнигелиги бойынша «Ўрта аср Хоразм шаҳарларидаги турар жойлар» темасында докторлық диссертациясын ислеп атыр. Илимий мәсләҳәтши тарийх илимлериниң докторы М.-Ш.Қдырниязов.
Кафедраның таяныш докторантурантлары О.-Ш.Қдырниязов «Жанубий Оролбўйи шаҳарсозлик маданияти тарихи» илимий мәсләҳәтши академик т.и.д., С.Сагдуллаев, М.Толыбаев «Жанубий-Шарқий Устюрт ёдгорликлари моддий-маданияти (ўрта аср даври)» илимий мәсләҳәтши профессор., т.и.д М.-Ш.Қдырниязов, Ф.Максетов «XIII-XIV асрларда Жанубий Оролбўйи шаҳарларининг маҳаллалари» мәсләҳәтши доцент., т.и.к М.Туребеков пенен биргеликте  докторлық (PhD) диссертациясын ислеп атыр.
Тарийх бакалавр тәлим бағдары бойынша студентлерине оқыў ɵндирислик әмелиятларын Миздахкан археологиялық комплексинде Қарақалпақстан Республикасы орайлық мәмлекетлик архивинде, музейлерде ҳәм педагогикалық әмелиятты орта мектеплерде, академиялық лицейлерде алып барады.
      
Кафедрада ислеп атырған илимий дәрежели профессор-оқытыўшылар

Сулайманов Саламат Арепбаевич, тарийх илимлериниң кандидаты, 1978-жылы 17-мартта Кегейли районында туўылған. 1999-жылы Қарақалпақ мәмлекетлик университетин тамамлаған. Қәнигелиги тарийхшы. 2010-жылы «Арал ҳәм Әмиўдәрья флотилиясы тарийхы» темасында кандидатлық диссертациясын жақлаған. 40 тан аслам илимий мийнетлери баспадан жәрияланды. Соның ишинде 2 методикалық қолланба баспадан шықты. 2001-жылдан баслап ƟƟ Ɵзбекстан ҳәм Қарақалпақстан тарийхы кафедрасында ассистент-оқытыўшы, доцент лаўазымларында иследи. 2013-жылдан баслап «Археология» кафедрасы баслығы.

Қдырниязов Муҳаммед – Шерип, тарийх илимлериниң докторы, профессор. 1950-жылы 30-мартта Қоңырат районында туўылған. 1971-жылы Нɵкис мәмлекетлик педагогикалық институтын тамамлаған. Қәнигелиги тарийхшы-филолог. 1980-жылы «Алтын орда дәўириндеги Хорезм қалалары» темасында кандидатлық, 2005-жылы «XIII-XIV әсирде Хорезм мәденияты» темасында докторлық диссертациясын жақлады. 110 нан аслам илимий методикалық мийнетлери баспадан жәрияланды. Соның ишинде 5 монография, 6 оқыў қолланба баспадан шықты. 1980-жылдан баслап Қарақалпақ мәмлекетлик университетинде оқытыўшы, аға оқытыўшы, доцент, факультет деканы лаўазымларында иследи. 2014-дылдан жаслап Археология кафедрасы профессоры.

Уразбаева Равшан Джангабаевна, тарийх илимлериниң докторы, профессор. 1958-жылы 17-сентябрьде Әмиўдәрья районында туўылған. 1980-жылы Нɵкис мәмлекетлик педагогикалық институтын тамамлаған. Қәнгелиги тарийхшы. 1984-жылы «Қарақалпақстанда Жоқары ҳәм орта арнаўлы билимлендириў тарийхы» темасында кандидатлық, 2012-жылы «Қарақалпақстан билимлендириў тарийхы» темасында докторлық диссертациясын жақлады. 90 нан аслам илимий методикалық мийнетлери баспадан шықты. 1980-жылдан баслап Қарақалпақ мәмлекетлик университетинде оқытыўшы, аға оқытыўшы, доцент, 2014-жылдан баслап Археология кафедрасы профессоры болып ислеп атыр.

Туребеков Мырзалы, тарийх илимлериниң кандидаты, доцент. 1954-жылы 19-январьда Тахтакɵпир районында туўылған. 1974-жылы Қарақалпақ мәмлекетлик педагогикалық институтын тамамлаған. Қәнигелиги тарийх ҳәм география. 1982-жылы «Оборонительние сооружения древных и раннесредневековых сооружении Согда» темасында кандидатлық диссертациясын жақлады. 100 жен ласлам илимий методикалық мийнетлери баспадан жәрияланды. Соның ишинде 3 монография, 3 сабақлық, 7 оқыў қолланбасы баспадан шықты. 1982-жылдан баслап Қарақалпақ мәмлекетлик университетиниң кафедра баслығы, декан лаўазымларында жумыс ислейди. 1998-жылдан Археология кафедрасы доценти.
 
Айтмуратов Жалғас, тарийх илимлериниң кандидаты, доцент. 1957-жылы 7-апрельде Қоңырат районында туўылған. 1978-жылы Нɵкис мәмлекетлик университетин тамамлаған. Қәнигелиги тарийхшы. 1997-жылы «XX-әсирдиң 70-90-жылларында Қарақалпақстан мәдениятының улыўма жағдайы ҳәм раўажланыў бағдары» темасында кандидатлық диссертациясын жақлады. 80 нен аслам илимий методикалық мийнетлери баспадан жәрияланды. Соның ишинде 3 монография, 4 оқыў методикалық қолланба баспадан шықты. 2000-жылдан баслап Археология кафедрасында доцент болып ислеп атыр.

Туреева Гулсара Арисовна, тарийх илимлериниң кандидаты, доцент. 1967-жылы 7-мартта Нɵкис қаласында туўылған. 1989-жылы Нɵкис мәмлекетлик университетин тамамлаған. Қәнигелиги тарийхшы. 2006-жылы «Қарақалпақстанда турақ жай қурылысы сиясаты тәжирийбе ҳәм сабақлар» темасында кандидатлық диссертациясын жақлады. 60 тан ласлам илимий мийнетлери баспадан жәрияланды. Соның ишинде 5 оқыў методикалық қолланба баспадан шықты. 1994-жылдан баслап Қарақалпақ мәмлекетлик университетинде ассистент-оқытыўшы, 2000-жалдан баслап Археологиря кафедрасы доценти.

Караманова Гулистан, тарийх илимлериниң кандидаты, доцент. 1968-жылы 23-апрельде Тахтакɵпир районында туўылған. 1990-жылы Нɵкис мәмлекетлик университетин тамамлаған. Қәнигелиги тарийхшы. 1990-жылдан баслап Қарақәлпақ мәмлекетлик университетинде ислейди. 2012-жылы «Қарақалпақстан аграр қатнасықлары тарийхы (1917-1941 жж)» темасында кандидатлық диссертациясын жақлаған. 70 ке жақын илимий мийнетлери баспада жәрияланған. Соның ишинде 5 оқыў методикалық қолланба баспадан шықты. 2014-жылдан баслап Археология кафедрасында доцент лаўазымында ислеп атыр.   

Ҳәкимниязов Қуатбай Алланиязович,тарийх илимлериниң кандидаты. 1969-жылы 20-апрельде Нɵкис районында туўылған. 1993-жылы Қарақалпақ мәмлекетлик университетин тамамлаған. Қәнигелиги тарийхшы. 2002-жылы «Қарақалпақстанда 1932-1941-жылларда тәжирийбе ҳәм машқалалар» темасында кандидатлық диссертациясын жақлады. 50 аслам  илимий мийнетлери баспадан жәрияланды.  Соның ишинде 6 оқыў қолланбасы баспадан шықты. 1995-жылдан баслап Қарақалпақ мәмлекетлик университетинде ислейди. 2016-жылдан баслап Археология кафедрасы үлкен оқытыўшы лаўазымында ислеп атыр.      
скачать софт